ما بقى في شي يجمع اللبنانيي اكتر من محطات البنزين، كل يوم بيوصل طابور البنزين لأكتر من كلم و الناس ناطرة مهمومة ومشوبة عم تتساءل اذا عهالمحطة رح يعبولها او لأ.
وحتى على السعر الجديد الناس بعدها واقفة وناطرة عم تتهافت على المحطات من خوفها انن يرجعوا يسكروا ويقولولن ما في عنا بنزين. بجولة على المحطات هيك كان رأي الناس يللي الها ناطرة اكتر من ساعتين لحد ما سمعنا انو في اشخاص عم تجيب الزوادة معها لتنطر وتعبي سيارتها.
البنزين بالبلد وبحسب الوزارة والشركات المستوردة صار موجود والبواخر عم تفضي، اذا ليش هالنطرة ساعات ليش ما بتفتح كل المحطات بدل ما ترفع خراطيمها قدام الناس وتقلن ما في؟
يعني رجعنا لخبرية تخزين البنزين لحتى يرتفع من جديد سعر التنكة؟ ويذلوا الناس اكتر ما هني عم ينذلوا بهالفترة.
التّقرير للزَّميلَة ماريا موسى، عبر الرّابِط أعلاه:
